Konsullata e përgjithshme në Selanik pas një periudhe pezullimi prej dy muajsh për shkak të pandemisë, ka nisur shërbimin ndaj qytetarëve shqiptarë këtë të hënë.

Por sikurse në shumë sektorë të tjerë të jetës publike, edhe këtu masat e vendosura për shkak të pandemisë do të vazhdojnë të aplikohen, ndaj konsullata i ka bërë thirrje qytetarëve që iu ka mbaruar vlefshmëria e pasaportës dhe kartës ID, të shkruajnë në adresën e saj të emailit,  për të rezervuar një takim në konsullatë.

Kjo do të shërbejë për të shmangur radhët e gjata dhe kontaktet mes njerëzve gjatë pandemisë Covid-19.

Në kuadrin e masave dhe kufizimeve që janë në fuqi në Greqi, Konsullata bën gjithashtu thirrje për korrektësi maksimale gjatë paraqitjes, duke kërkuar pajisjen e qytetarëve me maska dhe doreza.