Mjekja shqiptare në Gjermani, Aurora Meta Dollenberg thotë se nëse bota do të rrezikohet nga një valë të dytë nga koronavirusi, do të jetë shumë më e butë. Ajo theksoi se në rast se pandemia rikthehet, të prekurit do të shërohen shumë më shpejt se gjatë kësaj periudhe.
“Ne tashmë kemi më shumë informacione për Covid-19, dhe në shtator ose tetor jemi në gjendje të japim statistika të besueshme në lidhje me pandeminë. Ne parashikojmë që nuk do të kemi një valë të dytë tani në verë, pasi temperaturat e larta kanë efekt bllokues ndaj virusit.Edhe nëse do të ketë një valë të dytë infeksioni, ne në Gjermani, jemi të përgatitur për ta përballuar këtë valë.
Edhe në trevat shqiptare ecuria ka qenë pozitive. Edhe nëse do të ketë një valë të dytë egërsia e virusit do të jetë shumë herë më e lehtë, do të ketë të prekur, por ata do të shërohen në një kohë shumë më të shpejtë, pa pasur pasoja të rënda në vdekshmëri”, u shpreh Aurora Meta Dollenberg, e cila është gjithashtu sekretarja e përgjithshme e Shoqatës së Mjekëve Shqiptarë në Gjermani.
Por çfarë është një valë e dytë?
Pandemitë janë shkaktuar nga patogjenë të rinj që shumica e njerëzve nuk kanë mbrojtje imune ndaj tyre. Kjo është ajo që i lejon ata të shpërthejnë globalisht. Pandemitë janë të rralla, por gripi është një nga shkaqet më të shpeshta. Ajo që ndodh është se një variant i ri i virusit të gripit përhapet në të gjithë botën dhe pastaj përsëritet.
Ekzistojnë një numër mundësish se si mund të rikt Në rastin e gripit, është fillimi i freskimit të motit, një faktor që mund të ndikojë edhe në rastin e koronavirusit. Ose patogjeni mund të qëndrojë i izoluar. Kjo është një tjetër karakteristikë e gripit. Në vjeshtën e vitit 1918, ndodhi një valë e dytë e shpërthimit të gripit historik dhe shkaktoi shumicën e vdekjeve gjatë pandemisë. Disa studiues besojnë se u soll nga një mutacion që e bëri virusin përsëri të panjohshëm për sistemin imunitar të shumicës së njerëzve. Një variabël tjetër i rëndësishëm është lëvizja e virusit te popullatat që nuk janë ekspozuar më parë dhe nuk kanë imunitet.
