Gjysmëhëna e Kuqe Turke ka dhuruar për Kryqin e Kuq Shqiptar rreth 1.5 ton materiale mjekësore, në kuadër të luftës kundër pandemisë Covid-19.
Bëhet fjalë konkretisht për 75 000 maska kirurgjikale, 4 000 doreza nitrile, 2 000 kominoshe mbrojtëse dhe 2 000 syze mbrojtëse.
Për dorëzimin e tyre u organizua edhe një ceremoni, ku të pranishëm ishin ambasadori i Turqisë në Tiranë, Murat Ahmet Yörük, atasheu ushtarak turk në Tiranë, përfaqësues të Ministrisë së Shëndetësisë dhe Mbrojtjes Sociale të Shqipërisë, si dhe drejtues të Kryqit të Kuq Shqiptar.
Ambasada Turke në Tiranë vendos sakaq theksin në marrëdhëniet e mira me Shqipërinë. “Turqia është ndodhur gjithmonë pranë popullit mik dhe vëlla shqiptar”, shkruan ajo.
