Me rastin e 70-vjetorit të Konventës së Gjenevës në lidhje me statusin e refugjatëve dhe 40-vjetorit të shoqatës Forum Réfugiés-Cosi, artistja Catherine Van den Steen ka krijuar një seri portretesh të refugjatëve. Një vepër plot jetë, e frymëzuar nga një pikturë e Rubens. Ekspozita qwndron e hapur edhe neswr në Hôtel de Ville në Lyon pwr tw vazhuar mw tej nw disa qytete në rajonin Auvergne-Rhône-Alpes.
Me “Portrete d’Exil”, artistja vizuale Catherine Van den Steen u bën homazh grave dhe burrave në mërgim dhe mbart një mesazh shprese dhe solidariteti. Mes portreteve të përzgjedhura nga Van den Steen është edhe ai i shqiptarit Armand Hasanpepaj.
Armand Hasanpapaj u largua drejt Francës në moshën 16-vjeçare duke qenë një ndër vallarët më të mirë, pa e ditur se jeta e tij në Lion do të sillte një tjetër Armand, atë të një shefi kuzhine që e ka pasion të trashëguar nga nëna e tij.
Lajmin e ka bërë publik vetë Hasanpapaj i cili ka postuar në facebook një foto përkrah portretit të tij në ekspozitë.
“Shumë i lumtur që jam ndër 20 portretet në të gjithë Francën, të realizuara nga znj. Catherine Van Den Steen, Portait d’exil 2021
Faleminderit për këtë punë të mrekullueshme
Ju mund t’i shihni këto vepra arti në Hotel de Ville Lyon 1 ende të disponueshme sot dhe nesër
Këto portrete janë të destinuara për të ecur në rrugën e të gjithëve, kaq të vështira dhe kaq të ndryshme, por mbi të gjitha shumë të guximshme
Besoni në veten tuaj, besoni në ëndrrat tuaja
Gjithçka është e mundur” shkruan ai.
Lexo edhe: Francë / Njihuni me kuzhinierin e talentuar shqiptar, Armand Hasanpapaj
Ekspozita
Me sfond kryesor pikturën “Rënia e të mallkuarve”, të Rubens, ekspozita “Portrete në Eksil” përfshin 20 portrete të njerëzve në mërgim në Francë. Këto portrete janë vizatuar me qymyr në pëlhurë pambuku. Sfondi i çdo portreti zë një të njëzetën e riinterpretimit shumëngjyrësh të Catherine Van den Steen të “La Chute d’enfer des damnés” pikturuar nga Rubens në 1620.
Çdo portret është realizuar pas një interviste të gjatë që artistja ka bërë me secilin personazh e shoqëruar nga gazetarja, Béatrice Toulon. Katër tema i strukturuan këto intervista: nga vij unë; udhëtimi im; çfarë kam sjellë me vete; projektet e mia, dëshira ime.
Lexo edhe: Francë/ Gatime shqiptare në zemër të Lionit në ditën e Refugjatëve
“Portretet e mërgimit janë portrete të njerëzve që qëndrojnë dhe lëvizin. Zgjedhja për t’i vendosur ato në sfondet me ngjyra të përmbysura të Rënies së të Mallkuarve nga Ferri që Rubens pikturoi në 1620 është një mënyrë për të nënkuptuar se, përballë rënies, ankthit, vdekjes, ata zgjodhën të rikuperohen dhe të jetojënë. Ky grup portretesh dëshiron të paraqesë forcën e brendshme të pabesueshme që jeton tek njeriu, këtë energji që e shtyn atë të kalojë të gjitha fatkeqësitë, duke rrezikuar jetën e tij, për të marrë pjesë në jetën e botës”, është shprehur ër mediat franceze Catherine Van den Steen.
Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.
