Shefi i njohur i kuzhinës, Altin Prenga së bashku me studiuesen arbëreshe Lucia Martino ishin të pranishëm në Festivalin “Mes Italisë dhe Shqipërisë” në Ancona, Itali.

Në këtë event Prenga dhe Martino kanë sjell gatimet tradicionale shqiptare dhe makaronat antike arbëreshe me ingredient nga Shqipëria.

“Jam shumë i lumtur që jam pjesë e këtij eventi në Itali, një vend shumë I dashur për ne shqiptarët”, shprehet Altin Prenga. “Jam shumë e lumtur që jam këtu dhe si një ambasadore e kulturës arbëereshe dhe e apasionuar pas kuzhinës tradicionale, ndaj do jem bashkë me Altinin”, shprehet Lucia Martino.

Ancona ka qenë një qytet mikpritës gjithmonë përmes Adriatikut dhe eventi i organizuar nga “Adria Ferries” “Mes Italisë dhe Shqipërisë” bëri bashkë shumë shqiptarë dhe Italian. Takimi u moderua nga gazetari Italian, Marco Ardemagni, së bashku me moderatoren shqiptare Arjola Shehu. Gjithashtu e pranishme ishte edhe këngëtarja Evi Reci.

E pranishme ishte gjithashtu Ambasadorja e Shqipërisë në Itali, Anila Bitri “Është një kënaqësi të jem këtu në Ancona, me dëshirën e madhe për të rifilluar jetën me këto aktivitete që na bëjnë bashkë”, u shpreh Bitri.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.