Ish Shoqata “Sharri” në Romanshorn që tashmë quhet “Sharri Switzerland” feston 20-vjetorin e themelimit.
Në një njoftim të shoqatës thuhet se: “Prej 20 vitesh ishim Shoqata Sharri Romanshorn, duke kemi marrë pjesë në shumë aktivitete dhe prezantime multikulturore jo vetëm në St Gallen, por edhe më gjerë. Ndërsa tash e tutje kemi një ambient të ri ku i ftojmë të gjithë të bëhen pjesë e jona. Logo e re i përket të gjithëve që jetojnë në Zvicër dhe që besojnë te iniciativat tona. Tashmë jemi ” Shoqata Sharri Sëitzerland”
Paraprakisht Shoqata “Sharri” pas një pauze prej disa 12 muajsh rifilloi me ushtrimet në vendndolljen e re në ëittenbach SG. Gjithashtu Shoqata “Sharri” ju bënë thirrje të gjithë shqiptarëtve nga gjithë trojet Shqiptare të St. Gallen-it me rrethinë që të vini të regjistrojnë fëmijët e tyre në ushtrimet në vijim. Gjithashtu kjo vlen edhe për anëtarët aktiv.
Ejani të mësojmë dhe të aktivizohemi të gjithë së bashku. Në këtë njoftim thuhej se mosha e regjistrimit te fëmijëve: nga 3- 20 vjeç
Ushtrimet fillojne: 10:00 te dielën e ardhshme 06.06.2021/ Adressa: Lee 1551
Me këtë rast po jap edhe një shkrim timin të botuar 12 vjet më parë. PO e jap tekstualisht: “Në kantonin e Turgaut në Zvicër, ka marrë hov themelimi i shoqërive kulturo-artistike. Kështu tash aktivisht veprojnë “Drita” e Kreuzlinogenit, “Arbëresha” e Sirnahut, “Sharri” i Romanshornit dhe “Dielli” duke e gjallëruar me të madhe jetën kulturo- argëtues në një mjedis të përbërë prej një numri të madh shqiptarësh në këtë mjedis të ardhur thuaja se nga të gjitha viset etnike.
Padyshim se ndër shoqëritë më të reja është edhe SHKA “Sharri” i Romanshornit, e cila ndonëse ende nuk i ka mbushur dy vjet nga themelimi ( themeluar më 13 prill 2008) dhe megjithë këtë ka arritur të tubojë rreth vetës një numër të mirë të rinjësh të talentuar, në mesin e të cilëve edhe fëmijë e të moshaur. Falë edhe organizimit të mirë të saj, të përbërë nga shqiptarë me prejardhje nga Kosova, Maqedonia, Lugina e Preshevës e vise të tjera, kjo shoqëri ka arritur të krijojë edhe një harmoni e disponim midis bashkatdhetarëve tanë.
Nga një bisedë që e patëm me kryetarin e kësaj shoqërie, Jeton Krasniqin, me prejardhje nga Dajkoci i Kamenicës dhe me arkatarin Njazi Osmani, nga Poroja e Tetovës, mësuam se falë marrëdhënieve të mira që mbretërojnë në këtë mjedis mes shqiptarëve, lindi edhe nevoja për themelimin e “Sharrit”, në gjirin e së cilës u tubuan dhjetra anëtarë, shumica nga ta nxënës të mësimit plotësues shqip. Për fat të mirë shoqëria hasi në përkrahjen e madhe të korreografëve tanë në Zvicër, më parë të Nexhat Sahitajt, e pasi ky punonte në tri ndrrime, në ndihmë nga Aarau duke udhëtuar mëse njëqind kilometra, erdhi Agron Bajrami nga Shkolla e vallëzimit “Shota” në Zvicër, i cili vuri në reportuar vallën e “Rugovës”. Ndërkohë punën e korreografës me shumë zell në 6-7 muajt e fundit e mori i Selvete Abasi, i cila më parë ka qenë vallëtare e Ansamblit kombëtar “Shota” në Kosovë, e që tash jeton në këtë mjedis. Edhe sa i përket lokalit për suhtrime e koncerte është gjetur një zgjidhje fatlume, falë gatishmërisë se pronarit të hotel Boden, Martin Pergegaj , i cili pa kompenzim ua le në dispozicion sallën për ushtrime. Ndërkaq sa i përket gardarobes secili nga anëtarët e ka sigurar atë për veti duke i lënë tash në pronësi të shoqatës. Kështu derisa të dielave grupi i valltarëve mban vazhdimisht ushtrime ditën e hënë me ushtrime vazhdon orkestra e saj e përbërë nga Emin Avdyli, Tomë Lleshdedaj, Imer Bajrami, Fatmir Kazimi, Rikard Përgegaj, Xhevdert Ajvazaj, Abdullah Ramadani dhe Bukurije Krasniqi , ndërsa nga radhët këngëtareve dallohen Egzona Avdyli e Erlinda Krasniqi.
Moment tjetër i rëndësishëm për këtë shoqëri kulturo-artistike është edhe bashkëpunimi i mirë me një numër të bisnismenëve shqiptarë që e ndihmojnë me mjte simbolike “Sharrin” , si dhe bashkëpunimi me palën zvicerane.
Shoqëria “Sharri” tashmë ka fituar admirimin jo vetëm të publikut shqiptar, por edhe të atij zviceran. Në manifestimet kushtuar pavarësisë së Kosovës dhe Ditës së Flamurit Shqiptarë, kanë marrë pjesë deri në 300-400 artdashës, duke e shijuar një program vërtetë sa cilësor aq edhe sasior, të përbërë me valle e këngë nga gjitha trojet shqiptare”.
Së voni mësojmë se kjo shoqatë në baza vullnetare, falë anëtarëve të saj të zellshëm ka fincua dhe ka ngrit me punë vullnetare edhe një lokal përkatës për nevoja të shoqatës ku edhe aktualisht mbahen edhe ushtrimet e “Sharrit”.
Me këtë rast krahas fotove më të reja që kam huazuar nga fb i shoqatës po jap edhe disa nga fotot që i kam shkrep ndër vite. / Rexhep Rifati- ProIntegra
Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.
