Çekia është shteti i radhës i cili heq kufizimet për qytetarët shqiptarë që duan të udhëtojnë drejt këtij vendi.
Siç bën të ditur dhe aeroporti ndërkombëtar i Rinasit, TIA në njoftimin e saj, për të gjithë ata që duan të shkojnë drejt këtij vendi nuk u nevojitet as testi dhe as vaksinat e detyrueshme.
“Nga sot, hiqen të gjitha kufizimet për qytetarët shqiptarë që duan të udhëtojnë në Çeki.
As testi, as vaksinat nuk janë të detyrueshme. Mjafton bileta, pasaporta dhe maska”, thuhet në njoftimin e TIA-s.
Çekia bëhet kështu vendi i gjashtë në Europë që nuk kërkon test apo vaksinë për pasaportat shqiptare, krahas Spanjës më herët, Austrisë, Holandës, Belgjikës dhe Zvicrës.
Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.
