Sopranoja shqiptare me famë botërore Ermonela Jaho ka fituar çmimin e muzikës vokale për vitin 2021 me Albumin e saj “Anima Rara”. Ceremonia e ndarjes së Çmimeve Ndërkombëtare të Muzikës Klasike (ICMA) u mbajt këtë të dielë.
“Koha për të ndarë disa foto nga çmimi dhe koncerti gala. Flm ICMA për nderin dhe flm “Opera Rara” për punën e mrekullueshme të ekipit. Dua gjithashtu të falenderoj Lichtenstein për mikpritjen dhe disenjueset e fustaneve të mia Enada At’Nikolla Mirela Nurce dhe B&B Couture. Një vepër arti ka shpesh shumë autorë megjithëse mban emrin e një personi të vetëm . Flm për mbështetjen”, shkruan Ermonela krah fotove të postuara në Facebook nga ceremonia.
Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.