Një protestë është zhvilluar këtë mbrëmje në Tiranë duke ndezur qirinj në nder të familjes Gushi që humbën jetën mëngjesin e sotëm në një aksident tragjik teksa po shkonin me pushime në Vlorë.

Të rinj me biçikleta kanë protestuar para Ministrisë së Brendshme, si institucioni përgjegjës. Ata janë shtrirë në rrugë në shenjë proteste duke u shprehur se ngjarje të tilla në fillim duhen parandaluar dhe pastaj dënuar.

Lexo edhe- Shuhet familja shqiptare në aksident, kishin ardhur për pushime nga Greqia

Nga aksidenti humbën jetën Eduart Gushi, 44 vjeç, gruaja e tij, Silvana Gushi dhe dy vajzat e tyre të mitura, Anastasia dhe Eva dhe u plagosën 3 të rinj që udhëtonin në një mjet tip Audi, i cili thuhet se ka goditur mjetin e viktimave nga pas, ndërsa ishte me shpejtësi të lartë.

Në shenjë proteste kundër këtyre ngjarjeve, ku thuajse çdo ditë në rrugët e vendit humbasin jetë njerëzish, qytetarët janë sensibilizuar në këtë protestë para Ministrisë së Brendshme.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.