Në Paris është organizuar një mbrëmje letrare dhe artistike në La Maison de l’Albanie midis miqsh dhe dashamirësh.

Në këtë aktivitet shkrimtari dhe ambasadori Luan Rama prezantoi librat e tij, dhe atë më të fundin “Stratiotët shqiptarë nën flamurin e Francës”. Ndërsa shkrimtarja Rina Çela Grasset librin “Contrs d’Albanie” me bashkëautore Nathalie Carron Lanzl botuar nga shtëpia botuese “L’esprit du temps” dhe ilustruar nga Zamir Mati.

Në këtë mbrëmje ishin të ekspozuara edhe disa vizatime origjinale të librit me përralla të tealizuara me bojë kine dhe me format 42×30 cm si dhe të gjitha gërmat e para të vizatuara me subjektet e veçanta të çdo përralle.

Në këtë mbrëmje shkrimtarja Rina Çela Grasset shoqërohej edhe nga botuesi i “L’esprit du temps” Jean Marie-Mongin i cili është edhe botuesi i librave të shkrimtarit Ylljet Aliçka.

Takimi u zhvillua në një bashkëbisedim të ngrohtë ku shkrimtarët gjatë mbrëmjes firmosën autografe të librave të tyre për miqtë dhe dashamirësit. Ndërsa presidenti La Maison de l’Albanie ing. Gjergji Themeli falenderojë të pranishmit.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.