Qytetarët e Bashkimit Europian do të kenë 28 ditë kohë për të aplikuar për të qëndruar në Mbretërinë e Bashkuar, është vendimi më i fundit i qeverisë britanike.

Sipas BBC-së, ministria e Brendshme për të gjithë ato që vonojnë aplikimin do të kenë mundësi që të japin arsyetim bindës brenda një jave.

Bëhet fjalë për rreth 5.6 milionë qytetarë të Zonës Ekonomike Evropiane dhe vartësit e tyre, kanë aplikuar për të qëndruar në këtë vend.

Po nga ana tjetër janë 400 mijë raste të pazgjidhura dhe linja e ndihmës që ka vendosur qeveria po pret çdo ditë mijëra telefonata.

Pas referendumit të Brexit 5 vite më parë nisi dhe çështja e rregullimit të statusit për qytetarët e BE-së në Britaninë e Madhe. Kjo do të thotë se ata mbajnë të njëjtat të drejta të qëndrimit, udhëtimit apo punësimit si dhe qasjen në kujdesin shëndetësore. Vendet që kanë numrin më të lartë të aplikimeve janë Polonia me 975 mijë dhe Rumania me 918 mijë.

“Ne po u japim njerëzve qasje në një bazë globale në aftësi që kërkojnë kohë për t’u trajnuar, por për punë që marrin më pak kohë për t’u trajnuar, ne besojmë se është e drejtë që ne inkurajojmë punëdhënësit të shikojnë në shkallën e parë për të ofruar paketa të dobishme dhe të mira punëtorëve shtëpiak “, tha për BBC Kevin Foster, ministri britanik i Emigracionit.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.