Ditën e martë më datë 22 qershor qytetarët e New York-ut do të votojnë për të zgjedhur përfaqësuesit e rinj.

Në këto zgjedhje është shumë e rëndësishme edhe pjesëmarrja e votimit të shqiptarëve të shumtë në numër që jetojnë në New York.

Një grup vullnetarësh nga komuniteti shqiptar janë mbledhur bashkë për të mundësuar pjesëmarrjen e lartë të shqiptarëve në votime.

Mark Gjonaj,  Këshilltar në Këshillin Bashkiak të New York i bën thirrje komunitetit shqiptar që të marrin pjesë masive në votime.

“Zgjedhjet e 22 qershorit janë shumë të rëndësishme për qytetin e New York-ut e për më tepër për Komunitetin Shqiptar. Votimi është detyrim qytetar dhe përgjegjësi jo vetëm personale por edhe për komunitetin që përfaqësojmë dhe brezat e rinj. Këtu sot jemi mbledhur bashkë vullnetarë të komunitetit shqiptar për të dhënë kontributin tonë maksimal për pjesëmarrje në këto votime. Ajo që presim është që shqiptaro-amerikanët të dalin në mënyrë masive në votime. Votimi është shumë i rëndësishëm. Përgjegjësia e të qenit një qytetar amerikan është shumë më e lartë se marrja e pasaportës, ndaj duhet të votoni për vendin ku jetoni dhe për veten tuaj. Nëse jemi më të shumtë në numër, atëherë do të jetë më e lehtë të ngremë zërin dhe të arrijmë gjëra që duam dhe komuniteti ynë do të ketë më shumë përfitime. Nuk ka rëndësi demokratike ose republikanë, rëndësi ka të votojnë”, shprehet këshilltari Gjonaj.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.