Nga sot, e gjithë Italia bëhet zonë e bardhë ku shumë shpejt maska nuk do të jetë më e detyrueshme në ambiente të hapura.

Ndërsa pritet konfirmimi nga komiteti teknik, flitet se kufizimi mundtë hiqet që në 28 qershor, ose në fillim të  korrikut.  Megjithatë ekziston frika për përhapjen e variantit Delta, veçanërisht mes atyre që kanë marrë vetëm një dozë të vaksinës e cila vlerësohet si e pamjaftueshme për të mbrojtur nga infektimi.

Nëse varianti Delta do të përhapej, numri i viktimave do të rritej. Ata që janë të vaksinuar me të dyja dozat janë të mbrojtur. Më shqetësojnë ata 2.8 milionë njerëz mbi 60 vjeç, të cilët nuk janë ende të imunizuar”, thotë imunologu Guido Forni.

Varianti indian i koronavirusit mbetet shqetësimi kryesor i Britanisë së Madhe e cila, tanimë po përshpejton planin për vaksinimin e popullsisë me një dozë të tretë. Eksperimenti për testimin e dozës së tretë ka nisur rreth Anglisë dhe rezultatet fillestare priten në shtator.

Britania e Madhe po regjistron mbi 9 mijë raste me koronavirus në ditë, por kryeministri Boris Johnson ka besim se objektivi për të hequr të gjitha kufizimet në 19 korrik, do të përmbushet.

“Kemi shumë besim se do të ndërmarrim edhe hapin e 4 të planit të rihapjes duke hequr të gjitha kufizimet në 19 korrik”, deklaroi kryeministri britanik.  Deri më tani 60 përqind e të rriturve ne Britaninë e Madhe kanë marrë dy doza të vaksinës, ndërsa 4 në 5 të rritur janë vaksinuar me një dozë.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.