Pas shfaqjeve në skenë “Koliqiana” festivali i përvitshëm në nder të Ernest Koliqit do të shkojë në oborret shkodrane. Këtë vit do të zhvillohet nga datat 21-26 qershor në oborret e Shkodrës.

Vetë teatri Migjeni shpreh falenderim dhe mirënjohje për qytetarët që hapën dyert këtij eventi.

Festivali në Teatrin Migjeni u përmbyll më 14 qershor me shfaqjen “Tregtar Flamujsh”.

Regjisori i saj, Jozef Shiroka është shprehur se është përpjekur të ruaj filozofinë e autorit. Një shfaqje që ngjalli emocion dhe që të bënë të rikthehesh edhe një herë në kohë, madje kupton se shumë pak gjëra kanë lëvizur nga periudha kur është shkruar tregimi “Tregtar flamujsh”.

Personazhi Hil Vilza kujdeset që flamurin ta mbaj të pastër, ndërsa tregtari Gaspër Tragaçi ka hall që me shitjen e tyre të fitojë sa më shumë para.

Shfaqjet me vepra të autorit dhe regjisorë të ndryshëm janë “A ta laç”, “Kopshti”, “E gjeti mbas shimshirit”, “Anmiku në shtëpi”, “Tingëllimet” dhe do të përmbyllet sërish me shfaqjen “Tregtar Flamujsh”.

Spektatori e ka pritur mjaft mirë shfaqjen. Teatri “Migjeni” për rreth 1 muaj çdo fundjavë solli në skena të përshtatura në natyrë vepra të ndryshme të Ernest Koliqit.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.