Me rastin e Ditës Botërore të Dhuruesve të Gjakut, që kremtohet çdo 14 qershor, shqiptarët në Greqi kanë organizuar fushata për dhurimin e gjakut. Fushata e Komuniteti Shqiptar në Greqi ka nisur sot dhe do të zgjasë deri më datë 18 qershor. Gjithashtu Lidhja e Gruas Shqiptare në Greqi, (Ένωση Αλβανίδων Γυναικών στην Ελλάδα) më datë 20 qershor organizon nismën e dhurimit të gjakut.

Fushata javore për dhurimin e gjakut nga Komuniteti Shqiptar në Greqi është e shtrirë në të gjithë territorin e Greqisë. Të gjithë ata që kanë dëshirë të bëhen pjesë e kësaj nisme humanitare mund të dhurojnë gjak në favor të bankës së gjakut të komunitetit me nr. 14528, bankë e themeluar në vitin 2018. Dhuruesit duhet të kenë me vete një dokument identifikimi dhe nr. e tyre AMKA.

Gjithashtu nëse jeni vaksinuar kundër Covid-19, duhet të kenë kaluar të paktën 48 orë nga vaksinimi.

Lidhja e Gruas Shqiptare në Greqi, (Ένωση Αλβανίδων Γυναικών στην Ελλάδα) më datë 20 qershor organizon për herë të dytë nismën e dhurimit të gjakut.

Në javën e dhurimit të gjakut LGSHG do tí vijnë në ndihmë të gjithë bashkatdhetarëve, por jo vetëm, nëpërmjet Bankës së Gjakut me kodin 15773.

Një nismë e tillë është marrë edhe më 25 tetor të vitit shkuar, ku ndjeshmëria për tú bërë pjesë ishte e lartë.

“Të gjithë ata persona të moshës 18-60 vjeç që duan tí bashkohen kësaj nisme mund të dhurojnë gjak në ambientet e spitalit “Giorgos Gennimatas”, godina e dytë djathtas. Në një ditë simbolike si kjo inisiativa jonë bëhet më kuptimplotë. Mund të dhuroni gjak në çdo skaj të Greqisë, në çdo spital shtetëror, për të mbështetur nismën tonë në kodin 15773. Gjaku nuk shitet as blihet, dhurohet! Dhe të shpëtosh jetë njerëzish është madhështore”, shkruhet në faqen zyrtare të LGSHG.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.