Edi dhe Adi Veseli janë pronarë dhe partnerë të suksesshëm të biznesit. Edi ka lindur më 1964 dhe është diplomuar në Kolegjin e Biznesit.

Ëndrra e tij ishte të kishte një restorant. Ai sot është biznesmen i suksesshëm në Restorantin “Mezza Luna Bistro” & Allendale Steak House” në Allendale në New Jersey.

Adi Veseli ka lindur në 1966, diplomuar në kolegj biznesi. Ëndrra e tij ishte të ishte një kuzhinier i suksesshëm dhe kjo ëndërr realizohet në Restorantin “Mezza Luna Bistro” në Allendale, New Jersey.

Një bashkim forcash mes vëllezërve që sjell një biznes të suksesshëm. Ata kanë folur për NY Glam lidhur me këtë sipërmarrje të tyren në SHBA.

Të pyetur për pasionin e tyre për kuzhinën ata thonë se ka qenë një dhuratë dhe dëshira, një kurs që Adi bëri për të zotëruar sa më mirë kuzhinën. Menuja e restorantit të tyre është italiane pasi mendojnë se është një ushqim i preferuar për klientet e tyre dhe për ta.

Vëllezërit thonë se ndihen të lumtur kur vlerësohen nga klientët por dhe nga mediat vendase. Por krahas suksesit në biznesin e tyre vëllezërit janë mjaft të angazhuar në komunitet në Allende, duke u përfshirë dhe në ndihmën në periudhën e COVID-19.

“Këshilla jonë është që kushdo që dëshiron të futet në biznesin e restorantit duhet të provojë dhe të shohë më pas suksesin e tij”, ishte mesazhi i tyre për ata që aspirojnë të hyjnë në këtë lloj biznesi.

Edi dhe Adi thonë se ambiciet e tyre në karrierë janë që të jenë në shërbim të klientit, sepse sukses dhe kënaqësi për ta është kur klienti mbetet i kënaqur.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.