Marko Kepi po kalonte të dielën duke punuar në fushatën e tij si kandidat i Këshillit të qytetit të Mid-Island ku hasi një hajdut që po kryente vjedhje.

Një person kishte hyrë në një makinë, mori një çantë dhe u largua duke vrapuar. Kepi dhe të tjerët nisën ta ndiqnin. “Ai u përpoq të më ikte por e kapa dhe kapa çantën e tij. I thashë: Nuk ke për të shkuar askund derisa të vijë policia”, rrëfen Kepi për median amerikane.

Vlen të theksohet se manovra e kandidatit shqiptarë për Këshillin Bashkiak të New York-ut nuk ishte një veprim spontan. Kepi është një marins i përgatitur i cili ka qenë pjesë e “United States Marine Corp” shkruan “DiasporaShqiptare.al”.

Hajduti u identifikua nga policia si Amir Asep, 21 vjeç dhe çanta që grabiti i përkiste të fejuarës së Kepit, Era Kovanxhi. Por për shqiptaro-amerikanin nuk ishte shqetësim çanta që kishte brenda vetëm porotofolin dhe sende personale, por fakti që hajduti nuk e kishte problem ta bënde këtë vepër kriminale në mes të ditës dhe para shumë njerëzve.

Asep ndërkaq kishte precedentë penale sërish për grabitje.

“Mendoj se njerëzit e kuptojnë atë që kalojnë oficerët e policisë, veçanërisht kur duart e tyre janë të lidhura nga ligji. Kjo u jep kriminelëve shumë të drejta, është pothuajse e pakuptimtë ti arrestoni sepse do të keni të drejtë”, tha Kepi duke shtuar se Asep i tha të njëjtën gjë kur u arrestua.

“Ai u tha policëve ‘vetëm më lini të shkoj sepse derisa të keni mbaruar me dokumentet unë do jem liruar’, kujton Kepi.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.