“Quasi a due” premiera e dy artistëve shqiptarë u ngjit mbrëmjen e djeshme në skenën e teatrit “Bolshoi” të Moskës.

Me kompozim të Çezar Aliaj, djalit të Agron Aliajt, mjeshtrit të baletit shqiptar dhe koreografit ndërkombëtar Gentian Doda shfaqja erdhi në performancën e Leonid Sarafanov.

Kompozitori Aliaj jeton dhe punon në Spanjë, ndërsa koreografi Gentian Doda njihet ndërkombëtarisht si koreograf dhe interpretues i pavarur.

Teatri famshëm moskovit, Bolshoi, në prill të këtij viti anuloi turnetë e tij ndërkombëtarë për shkak të situatës së krijuar nga pandemia.

“Të gjitha turnetë e planifikuar për këtë sezon janë anuluar deri në mars 2022″, tha drejtori i teatrit, Vladimir Urin, gjatë prezantimit vjetor të sezonit të ri, i cituar nga agjencia Interfax.

Në kulmin e valës së dytë, në nëntor, 150 persona të punësuar në Bolshoi u sëmurën.

Pavarësisht anulimit të shfaqjeve jashtë vendit, Bolshoi do të vazhdojë të realizojë disa prodhime me pjesëmarrje të huaj.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.