Kosova vijon të nxjerrë talente në fushën e xhudos ku suksesi i radhës vjen nga Nora Gjakova. Ajo është kualifikuar në çerekfinalen e Kampionatit Botëror të Xhudos në Budapest të Hungarisë.
Xhudistja shqiptare mundi në raundin e tretë garuesen nga Holanda, Sanne Verhagen me Wazari në Golden Score. Ndërkohë në raudin e dytë mposhti polaken Julia Kowalczyk në raundin e dytë.
Kosova ende i ka edhe dy xhudistë në garë për medalje, Nora Gjakovën në kategorinë -57 kilogramë dhe Laura Fazliun në kategorinë -63 kilogramë në këtë kompeticion.
Ndërsa Akil Gjakova, Flaka Hoxha dhe Distria Krasniqi u skualifikuan më herët.
Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.
