“Një fjalë shqip më shumë në shtëpi, një abetare më tepër,një kurs I përshpejtuar I gjuhës shqipe në emigracion. Mos e vrisni gjuhën e nënës, nesër do jetë vonë…”

Me këtë slogan janë mbledhur sot në një takim Përfaqësues të Komunitetit Shqiptar në Rethimo të Kretës.

Ata zhvilluan një takim me Drejtorin e Arsimit të Prefekturës z. Llambro Karvunis. Zotit Karvuni ju parashtrua kërkesa e Komunitetit Shqiptar në Rethimno për dhënien e klasave në një ndër shkollat e qytetit për zhvillimin e mësimit të gjuhës shqipe për femijët tanë.

Nga ana e tij drejtori i arsimit u shpreh shumë entuziast dhe i gatshëm të ndihmojë sa më parë në zgjidhjen e këtij problemi. “Ështe kënaqësi e veçantë për mua si një emigrant grek i lindur në Gjermani, dhe i kthyer mbas 30 vitesh në Greqi, (që sot kam një detyre të rëndësishme) tju ndihmoj dhe të jem pranë jush per zgjidhjen e këtij problemi. Kjo është një nismë pozitive nga ana juaj që natyrisht kërkon mbështetjen e ndihmën tonë, e cila nuk do tju mungoje” -tha ai. Drejtorit ju paraqit dhe dokumenti i Lidhjes se Mësuesve Shqiptare në Greqi, statusi i Komunitetit Shqiptar në Rethimno si dhe dokumentacioni i mësuesëve vullnetarë.

Komuniteti shqiptar në Rethimo bën me dije se së shpejti në lidhje me këte problem do të bëhet një takim me Kryetarin  e Bashkisë zotin Jorgo  Marinaqi.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.