Këngëtarja shqiptare Eda Zari, jeton prej rreth 30 vitesh në Gjermani. Ajo ka lançuar projektin më të ri muzikor, me titull “Qan lulja për lulen”. Artistja e ka shoqëruar këtë këngë me një videoklip dhe vjen në bashkëpunim me disa muzikantë të njohur si Elchin Shirinov, Christian Kappe dhe Henning Jung.
Eda Zari mban statusin e Ambasadores së Kulturës së Shqipërisë në Gjermani.
Në vjeshtë të 1990, Eda Zari emigron në Düsseldorf të Gjermanisë (atë kohë Gjermania Federale). 1991-1993 Zari ritrajnohet vokalisht nga Kapellmeisteri i operës së Këlnit për konkursin e pranimit në një ndër konservatorët më prestigjoz të Evropës – Hochschule für Musik und Teater, në Këln. Në vitin 1994 Eda nis studimet në degën e Kantos titulluar – “Künstlerische Ausbildung für Opergesang“ në klasën e Prof. Usselmann Kock, si dhe degë të dytë primare Dramaturgji në klasën e Prof. Albrecht. Në vitin 2000 ajo diplomohet si këngëtare operistike: “Staatlich geprüfte Opersängerin“ me kurorëzimin e “Konzert Exame“ – Master! Gjate kësaj kohe potenciali vokal i saj e ngre Eda Zarin si soliste në projekte të ndryshme duke përfshirë: Opera, Musical, Opereta dhe shumë prezantime recitale të formes koncertale me formacione Orkestrale, ëDR – Rundfunk Orchestra (ëest German Radio), orkestra e dhomes Dresden, WDR TV. etj.
Në vitin 1997, Eda Zari kontraktohet nga shtëpia diskografike gjermane “Laika“, për realizimin e albumit të parë të saj “ The Art of Time“ në stilin Jazz, me pianistin dhe kompozitorin gjerman Mark Joggerst. Albumi del në tregun ndërkombëtar. Jo shumë kohë më pas në 1998 Zari është fituese e Çmimit të Parë në – European Jazz Contest 22 Getxo – Bilbao / Spain.
Eda është mjaft e kërkuar për shumë aktivitete e projekte internacionale. Ajo tashme ka realizuar nëntë albume me diverse stilesh muzikore klasik-jazz, pop-soul, dhe ëorld music, ku nuk mund të lihen pa përmendur bashkëpunimet me grupe dhe artistë të mirënjohur të skenës internacionale. Performanca e artistes kanë zënë vend në festivale dhe skena të ndryshme internacionale e prestigjoze si: Prezantimi i saj ne Filharmonine e Këlnit tek MusikTrionale Intern. Eda është soliste në realizimin e një sërë kollanash zanore të shume filmave serial televizivë të stacioneve me prestigjioze Gjermane (prezantuar ëDR, RTL, ARTE) etjer si dhe veçojmë albumin “EJA” si kollona zanore që prezantonte zyrtarisht Pavionin Shqiptar përgjatë pesë muajve në Panairin Botëror “EXPO 2000” Hannover/Gjermani.
Eda Zari ka përkrahur dhe ndihmuar iniciativat e shumë institucioneve dhe organizatave ndërkombëtare me mision humanitar, duke organizuar koncerte humanitare (ndër të tjera) për fëmijët jetim në Kosovë, fëmijët me Leukemi, për pacientët H.I.V. positiv etj. Prej vitit 2013, ajo është aktiviste në mbrojtje të natyrës shqiptare. Së bashku me kolegë të saj si Elina Duni, janë iniciatorë të një sërë koncerteve në formë proteste në mbrojtje të lumenjve të Shqipërisë me kauzën; “Mos ma prek Valbonën“, “Jo, importit të mbetjeve në Shqipëri“, koncerte sensibilizues në mbrojtje të lumit Vjosa etj. Në 2018 Eda Zari dhe Elina Duni kompozojnë protest-këngën “Lum Lumi i Lirë“.
Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.
