Gruaja intelektuale “Book lovers” është grupi më i ri i krijuar në Londër të Britanisë së Madhe nga gratë shqiptare. Ai është i pari grup i këtij lloji dhe takimin e parë e realizoi më 5 qershor.
“Ne jemi të gjitha dashamirëse të librit, njohëse të më shumë se dy gjuhëve të huaja, lexojmë në më shumë se dy gjuhë por mbi të gjitha diskutojmë vetëm në shqip së bashku. Rrugëtim të mbarë zonja intelektuale në shpirt dhe në mëndje! Për një ide më të qartë librat që u përzgjodhën ishin: Aida Haziri erdhi me librin “Ditët e Teutës”, autore Diana Çuli”, thotë Anila Kadia, një nga inciatoret e kesaj nisme.
Në takimin e parë Rezearta Dizdari Elezi erdhi me librin “Arratisja ime në liri “ me autor Alija Itzebegovic. Diti Gashi erdhi me librin “Romanca e Mr Walton nga Fox novel. Klodiana Gjona erdhi me librin “10 gra 10 rrëfime”. Histori që sfidojnë botën me autore Elga Mitre. Elona Agolli erdhi me librin “Të jetosh, të dashurohesh, të kuptohesh“ me autor Leo Buscaglia. Ariola Vishnja Zjarri erdhi me librin “Prostituta” me autor Teodor Keko. Anila Kadija erdhi me librin “Dashuri në La Morra” me autore Doli Ypi. Greta Sefa erdhi me librin “The beekeeper of Aleppo” me autor Christy Lefteri. Mira Brazhda Skura erdhi me librin “Mëngjeset në Kafe Rostand” me autor Ismail Kadare.
Kjo është një nismë që tashmë do të ketë aktivitetet e saj.
Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.
