Universiteti Teknik i Stambollit do të ketë filialin e vet në Shqipëri. Lajmi bëhet i ditur nga ministrja e Arsimit, Sportit dhe Rinisë, Evis Kushi e cila ndodhet në Turqi si pjesë e delegacionit të kryeministrit Rama për shtim të bashkëpunimeve dypalëshe të dy vendeve tona.
Ajo është takuar me Presidentin e Këshillit të Arsimit të Lartë të Republikës së Turqisë, Prof. Dr. M. A. Yekta Saraç.
Në lidhje me takimin, Ministrja Kushi nënvizon përmes publikimit në rrjet social se takimi ka qenë shumë i frytshëm dhe se palët kanë dakordësuar mbi planin e veprimit për hapjen së shpejti të filialit të Universitetit Teknik të Stambollit (ITÜ) në Shqipëri.
Ndër të tjera, Kushi përmend faktin se kanë diskutuar gjerësisht gjithashtu për për intensifikimin e bashkëpunimit mes Shqipërisë dhe Turqisë nëpërmjet projekteve konkrete në fusha me interes të përbashkët për arsimin e lartë dhe kërkimin shkencor.
Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.
