Në kuadër të 1 Qershorit, Ditës Ndërkombëtare të Fëmijëve anëtare dhe aktiviste të Lidhjes së Gruas Shqiptare në Greqi kanë ngritur zërin për të drejtat dhe mbrojtjen e fëmijëve. Thirrje si “Larg duart nga fëmijët!”, “Mos ma prek fëmijërinë!”etj, jehuan nga zërat e rreth 100 grave e nënave shqiptare që jetojnë në Greqi.

Një nismë kjo e frymëzuar edhe nga ngjarjet e fundit të ndodhura në Shqipëri: “Pas reagimit social të kohëve te fundit kundër abuzimit seksual ndaj të miturve, prostestave dhe mesazheve të Tiranës, Mirditës, Durrësit etj., u bashkohet dhe mesazhi i nënave shqiptare në Greqi. Kauza u risoll në vëmendje pas abuzimit të një 15-vjecareje nga 5 meshkuj në Mirditë, duke sjell reagim të menjëhershëm nga shoqëria civile dhe veçanërisht prindërit, të cilët kërkojnë njëzëri dënimin maksimal për abuzuesit. Për një fëmijëri të shëndoshë e të patrazuar, mos heshtni! Ndërshkoni aktin nga cilido burim ardhtë ai, shpesh herë edhe brenda rrethit familjar. Bashkoni zërat dhe forcën tuaj kundër abuzuesve te qënieve të pafajshme”, ishte kjo motoja që shoqëroi manifestimin e Lidhjes së Gruas Shqiptare në Greqi.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.