Kanë nisur fluturimet direkte Genova-Tiranë, si një nga destinacionet e shtuara të kompanisë Wiz Air. Fluturimi i parë u prit me një ceremoni në aeroportin “Cristoforo Colombo” të Genova.

Presidenti i aeroportit atje Paolo Odone dhe konsulli i nderit i Shqipërisë Giuseppe Durazzo prenë shiritin për të festuar këtë moment që sjell më afër dy vendet, Italinë dhe Shqipërinë.

“Itinerari i ri i inauguruar sot nga Genova në Tiranë nuk është vetëm një përgjigje e dobishme ndaj kërkesës në rritje për lidhje midis dy vendeve por është një shtytje e mëtejshme për të rifilluar fluturimet në Itali dhe Evropë. Ne shpresojmë t’ju presim në bord!”, tha Andras Rado, menaxher i komunikimit i Wiz Air. Fluturimet do të jenë dy herë në javë. Krahas Genova, fluturimet e shtuara me Italinë janë ato me Ancona, Pescara etj.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.