Artisti shqiptar Jeton Muja, ushtron profesionin e tij prej 3 vitesh në Maastricht, Holandë. Ai ka një eksperiencë të gjatë me ekspozita dhe është bërë pjesë e shoqatës së artistëve në qytetin ku jeton, duke lehtësuar integrimin në jetën artistike të Holandës. Muja tregon rreth jetës, profesionit dhe ekspozitës së tij të ardhshme. “Kjo ekspozitë mbahet në Muzeun Virtual “Bink Cafe”, ky muze është digjital dhe kam fatin që jam artisti i parë në programin e këtij muzeu”, – shprehet ai.

Artisti shqiptar tregon se falë përvojës tij e kishte më të lehtë tí hapeshin dyert e artit në Holandë: “Sigurisht që konkurrenca në Hollandë është e madhe, por përvoja ime me ekspozita dhe projekte më ndihmoj që të vijoja karrierën time edhe në Holandë. Unë që kur erdha në fillim pata fatin të punoj me artistë, gjithashtu dhe partnerja ime është artiste, kështu që për mua ka qenë edhe më e lehtë të bëhem pjesë e botës artistike. Gjithashtu përvoja ime ndryshe në fushën e artit, ishte një risi për vendin këtu. Arti që bëjmë ne si ballkanas ka një qasje ndryshe dhe kjo na bën edhe më të veçantë. Ndaj kjo traditë duhet të ruhet sepse na dallon”, shprehet Muja.

“Ky muze është digjital dhe në programin e këtij muzeu kam fatin të jem artisti i parë dhe jam shumë i nderuar. Sot nis hapja online në Zoom dhe shpresoj që të jetë një projekt i suksesshëm. Kjo është një mënyrë shumë e mirë për të treguar punën time në një përvojë ndryshe, një qasje digjitale”, tregon artisti Muja për RTK.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.