Greqia prezantoi sot platformën e saj për certifikatën digjitale Evropiane Covid, duke u bërë kështu një nga vendet e para të BE-së që nis zbatimin e saj. Kjo u njoftua nga nënkryetari i Komisionit Evropian Margaritis Schinas.

“Platforma greke e certifikatës digjitale është një nga të parat që është gati të fillojë”, tha Schinas në praninë e Presidentit të Këshillit Evropian Charles Michel.

Skema përbëhet nga një certifikatë që konfirmon se udhëtarët janë “Covid-free” duke faktuar prova të vaksinimit të duhur kundër koronavirusit, janë rikuperuar kohët e fundit nga infeksioni dhe iu është dhënë një faturë e pastër shëndetësore, ose që kanë rezultuar kohët e fundit negativë për virusin.

Greqia, madje, bën të ditur se është gati për zbatimin para 1 korrikut, data e caktuar për gjithë vendet e BE. Certifikata do jetë e njëjtë për gjithë vendet e BE, përfshin të dhënat e vaksinimit, rezultatin e testit PCR ose diagnozën zyrtare se individi ka kaluar në këtë datë COVID 19. Certifikatën e testit PCR mund ta marrin dhe kur të ndodhen në territorin grek, sistemi do jetë i ndërlidhur me të dhënat përkatëse personale me gjithë vendet e BE. Duke plotësuar të dhënat personale, sistemi automatikisht bën kontroll dhe nxjerr një certifikatë me kod QR.

Platforma ka një bazë të plotë të dhënash për gjithë vendet anëtare, ku në kontrollet kufitare shfaqet me të dhënat personale automatikisht kodi QR me datat e vaksinimit apo testimit apo prekjes nga covid 19. Deri tani gati për zbatimin e platformës para 1 korrikut janë vendet Skandinave, Franca, Greqia.

Athina ishte një nga kryeqytetet e para të Bashkimit Evropian, së bashku me Madridin, që ka mbështetur idenë e një certifikate vaksinimi për të lejuar rifillimin e udhëtimeve dhe turizmit.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.