Federata e Mjekëve Shqiptarë në Europë ka organizuar një takim virtual me temën “Donacion i vaksinave nga Norvegjia, Diaspora në mbështetje të përfundimit të pandemisë”, me pjesëmarrje të mjekëve dhe zyrtarëve të Shqipërisë dhe Kosovës.

Takimi u organizua online në bashkëpunim me lobin Euro-Atlantik shqiptar, filiali i Novergjisë dhe partnerë të tjerë nga Europa.

Folësit në këtë panel, mes të cilëve ministri i Shëndetësisë i Kosovës dhe zv.ministrja e Shëndetësisë e Shqipërisë, Mira Rakacolli diskutuan mbi situatën aktuale të pandemisë, procesin e vaksinimit në Shqipëri e Kosovë dhe mundësinë e një donacioni vaksinash nga shteti norvegjez dhe vendet e tjera europiane.

Bashkëpunëtorë të këtij takimi ishin edhe Artur Kuka, ambasador i Shqipërisë në Gjermani, Uliks Emra, ambasador i Kosovës në Norvegji, Dr.Gazmend Berisha, ryetar i Federatës për Mjekët shqiptarë në Norvegji, Brikena Qama, Presidente e Lobit Euro-Atlantik Shqiptar, Imer Lladrovci, Shef i Konsullatës se Përgjithshme të Kosovës Stuttgart, Anduena Stephan, Konsulle e Nderit në NRë-Gjermani, Dr.med. Aurora Dollenberg, Presidente e Federatës së Mjekëve Shqiptarë në Europë.

Ky takim u moderua nga Prof. Dr. Fadil Citaku nga Zvicra dhe Dr.Anisa Vreto nga Polonia.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.