Për herë të parë në tre vite e pesë muaj Ded Rranxburgaj është i lirë të largohet nga “Central United Methodist Church” në Detroit të SHBA-ve, ku ai dhe familja e tij u strehua nga frika e dëbimit.
Forcat e emigracionit dhe zbatimit të doganave në SHBA e kishte etiketuar Rranxburgaj si të arratisur për shmangien e dëbimit të urdhëruar nga administrata Trump në 2018-tën.
Pasi kërkoi që çështja e tij të dëgjohej në Gjykatën e Lartë të SHBA, avokati i Rranxburgaj tha se është arritur një marrëveshje të martën me Departamentin e Drejtësisë dhe bën thirrje që klienti i tij të heqë një proces gjyqësor kundër ICE. Në këmbim, viza humanitare e Rranxburgaj do të rikthehet dhe do ta lejojë atë të qëndrojë në vend për t’u kujdesur për gruan e tij të sëmurë.
“Rranxburgaj festoi me anëtarët e Kishës Qendrore të Bashkuar Metodiste, të cilët i mbrojtën ata për më shumë se tre vjet,” i tha avokati Rranxburgaj, George Mann, The Detroit Nevvs. “Ky është një sukses i madh për Z. Rranxburgaj. Ai shmangu që të qëndronte në Kishe për shumë muaj të tjerë ndërsa çështja përparonte – dhe ne nuk mund tia dilnim pa këtë komunitet.”.
51-vjeçari emigroi në SHBA me gruan e tij Flora dhe djalin Lorenc ku kërkoi azil pasi u largua nga regjimi komunist 30 vite më parë. Atyre iu mohua azili por Ded dhe Flora morën viza humanitare për të jetuar legalisht në Shtetet e Bashkuara.
Bashkëshortja e tij Flora, sot 48 vjeç është diagnostikuar me sklerozë multiple dhe iu dha një vizë e përhershme humanitare, ndërsa Ded një vizë e përkohshme për tu kujdesur për të. Ai punonte dy punë, si kuzhinier dhe në ndërtim për të mbajtur familjen në një kohë që në vitin 2003 lindi dhe djali i dytë Eric.
Në 2017 nuk iu rinovua viza, pasi administrata Trump vendosi që të deportohen të gjithë ata me vizë të përkohshme. Atij iu kërkua prova në janar të 2018 se do largohej dhe për këtë pagoi 800 dollarë biletën për avionin ku nuk hipi kurrë. Autoritetet e akuzuan si të arratisur për shmangien e dëbimit.
Mbrojtësit e imigracionit dhe avokati i familjes thonë se është e rrallë që një çështje e imigracionit të dëgjohet nga Gjykata e Lartë, por ata kanë me shpresë.
Rranxburgaj thotë se lanë gjithçka për ëndrrën amerikane po ai është ende larg lirisë. “Ëndrra amerikane për ne nuk po shkon siç duhet. Ne jetojmë një jetë të vështirë por jemi mirënjohës dhe për këtë jetë”, ka thënë Ded.
Teksa jetonin në Kishë djali i tyre i madhi Lorenc, 27 vjeç u diplomua në Michigan ndërsa Eric sot 18 vjeç në një shkollë të mesme vendase. As Ded dhe as Flora nuk mundën të merrnin pjesë në asnjë ceremoni. Eric është qytetar i lindur në SHBA por nuk mund të mbështesë babain e tij derisa të mbushë moshën 21 vjeç.
Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.
