Balerini i mirënjohur shqiptar Kledi Kadiu do të jetë sot në një bisedim online për librin e tij “Meglio di una favola. La mia vita” në faqen “Presidio del Libro di Cisternino”. Ai do të flasë për emocionet, rrugëtimin, historinë e jetës dhe eksperiencën.
“Presidio del Libro” u krijua në vitin 2001 si një ide për të promovuar librin dhe për të diskutuar mes botuesve të ndryshëm në Panairin e Librit në Torino.
Çdo vit, secili Presidiuo zgjedh një temë me interes të veçantë: zgjedhja mund të shkojë nga kinemaja te psikologjia, nga muzika te problemet e shoqërisë multikulturore.
Libri i balerinit të njohur Kledi Kadiu, tregon historinë e jetës tij, historia e një djali të ri shqiptar që kërkonte të realizonte ëndrrat jashtë kufijve. Edhe pse botoi një libër, Kadiu është shprehur se nuk e konsideron veten shkrimtarë, por nëpërmjet këtij libri ai ka dashur të rrëfejë eksperiencën e bukur të jetës së tij.
Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.