28 ikona me vlera të papërsëritshme i janë shtuar fondit të veprave të artit në Muzeun Ikonografik “Onufri” në Berat. Pikërisht në Ditën Ndërkombëtare të Muzeve, është çelur në Muzeun ikonografik “Onufri” në Berat ekspozita e veçantë “Thesare të risjella në jetë”.

Pjesë e kësaj ekspozite të rrallë janë bërë 28 ikona dhe objekte të restauruara në Laboratorin e Veprave të Artit në Muzeun e Ikonografisë Onufri dhe në Drejtorinë Rajonale të Monumenteve të Kulturës në Berat.Ikonat me vlera të papërsëritshme janë restauruar tërësisht përgjatë një periudhe 1-vjeçare dhe pas përfundimit të ekspozitës do të jene pjesë e muzut “Onufri”, ku do të mund të vizitohen nga turistët vendas e të huaj.

Në vazhdimësi të aktiviteteve të Ditës Ndërkombëtare të Muzeumeve,Muzeu Ikonografik “Onufri” dhe bashkia e qytetit kanë zhvilluar në ambjentet e jashtme të këtij muzeu një aktivitet artistik, me pjesëmarrjen e aktorë të Teatrit Kombëtar.

Aktiviteti artistik është shoqëruar edhe me këngë e valle të pregatitura nga trupi i kërcimtarëve të Pallatit të Kulturës “Margarita Tutulani”.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.