Sipërmarrësi shqiptar në Kanada Art Agolli, që jeton dhe vepron në Calgary, Alberta ka zënë hapësirë në gazetën kombëtare kanadeze “National Post” për të arriturat e fundit, i cili me kompaninë e tij “Equity Health Services tashmë po merret me problemet e pandashme të pandemisë. Equity Health Services” është një kompani kanadeze e kujdesit shëndetësor që ofron zgjidhje strategjike dhe operacionale të kujdesit shëndetësor për qeverinë, komunitetet indogjene dhe një gamë të larmishme të industrive të sektorit privat duke përfshirë naftën dhe gazin, prodhimin, ndërtimin, mikpritjen dhe minierat. Ofertat e kësaj kompanie përfshijnë zgjidhje testimi për autoritetet e shëndetit publik, për organizatat e sektorit privat dhe publik, vlerësimi përmes klinikave të frymëmarrjes në bashkëpunim me autoritetet e shëndetit publik, etj.
“Sot misioni i themeluesit dhe drejtuesit ekzekutiv të Equity Health Services është të shfrytëzojë burimet e teknologjisë dhe talentit të Albertës për të krijuar një industri të diagnostifikimit dhe testimit të kujdesit shëndetësor të klasit botëror. Agolli ka një histori të gjatë në fushën e sipërmarrjeve si këshilltar, investitor kryesor, konsulent dhe drejtor gjeneral. Para kësaj, ai ishte bashkëthemeluesi i Bankers Petroleum, i cili u ble nga një grup ndërkombëtar për 576 milion dollarë në 2016 dhe vazhdon të operojë fusha më e madhe e naftës në Evropë”- thuhet ndër të tjera në artikull.
Gazeta më tutje thekson se ndërsa dikush mund ta konsiderojë kujdesin shëndetësor shumë larg nga fusha e energjisë, ai tregon se filli i përbashkët është fuqia e sipërmarrjes për të zbuluar procese që përshpejtojnë zgjidhjet e problemeve.
“Gjetja e zgjidhjeve për problemet është detyra e sipërmarrësve”, thotë ai. “Nëse i referohemi Bill Gates, shohim se si ai ndërtoi pasurinë e tij duke zhvillimuar programet kompjuterike dhe tani po vë në dispozicion talentet e tij për të shpëtuar botën nga sëmundjet vdekjeprurëse.”
“Ky problem ka qenë para pandemisë në Alberta” thekson z.Agolli. “Alberta ishte e izoluar përsa i përket marketingut të burimeve natyrore. E njëjta gjë ndodhi me diagnostikimin. Pajisjet dhe platformat diagnostike e kanë bazën të gjitha në SHBA ashtu si dhe rafineritë. Në të dyja rastet ne kishim ngelur pa një alternativë tjetër furnizimi.
Ajo që bie në sy është ideja e vendosjes së një metodologjie për testimin. “Laboratorët e Shërbimeve Shëndetësore të Albertës në Calgary janë ndër më të mirët në vend, por po bënin zero test në fillim”, shpjegon ai. “Pasi vura re diçka të tillë kontaktova Seegene Inc, kompaninë më të madhe diagnostike në Kore. Seegene kishte investuar në teknologji gjatë shpërthimeve të mëparshme epidemike dhe mundi të na garantonte këto pajisje për një çmim të arsyeshëm.
“Ndërsa biznesi i tij rritet, Agolli ka një vizion madhështor se ku mund ta çojë e gjithë kjo nismë. “Ka kaq shumë derivate të mundshme. Unë shoh një të ardhme ku rezultatet e testeve mund të bëhen brenda dy orëve në shtëpi. Nëse mund të bashkëpunojmë me sektorin publik për të zhvilluar këto teknologji në mënyrë që ta realizojmë, njerëzit nuk do të duhet të qëndrojnë në radhë për një test të thjeshtë. Eliminimi i këtyre vonesave do të thotë që pacientët mund të kenë qasje më të shpejtë në shërbimet e kujdesit shëndetësor, nga trajtimet e kancerit deri te operacionet. Pandemia na ka treguar të gjithëve ne se duhet të jemi më efikas në mënyrën e ofrimit të shërbimeve
Në një shkrim mbështetës për z. Agolli, Shoqata Shqiptaro- Kanadeze në Calgary thekson ndër të tjera se në rast se do ju duhet të udhëtoni drejt Shqipërisë dhe ju duhet rezultati i testit të COVID-it, apo në situata të tjera të ngjashme, “Equity Health Services” ofron për të gjithë shqiptarët kryerjen e testit me 60$ në vend të çmimit zyrtar prej 175$.
Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.
