Fitër Bajrami është festa e cila bëhet pas mbarimit të muajit të Ramazanit. Emri Fitër Bajram vjen nga gjesti besimtareve myslimanë para ditës së bajramit, te cilet shpërndajnë lëmoshë, solidarizohen me të varfrit, kështu për ta kremtuar së bashku këtë festë.

All-llahu i Madhëruar ligjësoi në fund të muajit të Ramazanit festën e Fitër Bajramit, gëzim për myslimanët ashtu siç ligjësoi festën e Kurban Bajramit në ditën e dhjetë të muajit Dhul-Hixhxhe. Festa e Bajramit manifestohet duke falur namazin e Bajramit.

Prej shenjave të pranimit të adhurimit është vazhdimi i bamirësisë pas çdo vepre të mirë.

Përgatitja për festën e Bajramit

Elementet e përgatitjes për festën e Bajramit janë këto:
-Larja e trupit.
-Të stolisurit me rroba të bukura.
-Ngrënia e hurmave para daljes për të falur namazin e Bajramit.
-Të shkuarit herët në musal-la për të falur namazin e Bajramit.
-Shkuarja në musal-la këmbas.
-Ndërrimi i rrugës në shkuarje dhe kthim nga musal-la.

TRADITA E GATIMEVE

Sipas traditës që është ruajtur me vite, për këtë festë ka disa gatime tradicionale që nga ëmbëlsirat e deri tek gatimet e tjera. Besimtarët musliman në Shqiperi si ëmbëlsirë për këtë ditë kanë bakllavanë, krahas së cilës bëjnë edhe revani, kabuni, kadaif, hallvë dhe hasude.

Ndërsa gatime të tjera janë mishi i qengjit apo kecit që gatuhet me pilaf, kimë me vezë, byreku me petë të pjekura që është traditë sidomos në familjet tiranase. Këto shoqërohen me sallata të ndryshme. Ndërkohë që bëhet dhe supa e cila shërbehet e para në tryezë.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.