Në vazhdën e projektit “Sono persone…” (Ata janë njerëz) nisi udhëtimi i parë në Shqipëri i delegacionit të përbërë nga Jasmine Pignatelli, Anna Gambatesa, Esmeralda Lagioia dhe Fabiola Ismaili për realizimin e veprës “Ata janë njerëz-8.8.21”.

Kjo vepër është një marrëveshje mes Bashkisë së Barit dhe Bashkisë së Durrësit, si dhe në bashkëpunim me Konsullin e përgjithshëm të Shqipërisë.

Ky udhëtim është vazhdimi i natyrshëm i përvojës emblematike që në vitin 2019 çoi në instalimin e veprës publike “Sono gente-8.8.91” në Lungomare IX Maji i San Girolamo në Bari.

Me të mbërritur në aeroportin e Rinasit delegacioni kanë udhëtuar në Durrës ku janë takuar me Nënkryetarin  e Bashkisë së Durrësit dhe Delegatin që mbulon fushën e kulturës në këtë bashki.

Pas takimit u vizituan edhe disa vende pranë zonës së portit në Durrës, të identifikuara si vende të posaçme për instalimin e memorialit “Sone persone”. Ajo që nisi në vitin 1991 vazhdon të forcohet mes dy shteteve dhe projekti “Sono persone…” do ta konfirmoje edhe më shumë miqësinë mes dy vendeve.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.