Zvicra heq Kosovën nga lista e karantinës në përditësimin më të fundit të bërë nga Zyra Federale e Shëndetit Publik.

Kjo masë e re hyn në fuqi që nga data 6 maj (e enjte). Kujtojmë se Kosova ishte futur “në listën e zezë” të Zvicrës më 22 mars, krahas Maqedonisë së Veriut, në një kohë kur u hoq Shqipëria.

Hyrja në Zvicër nga shumë vende dhe rajone do të jetë e mundur përsëri nga e enjtja pa karantinë. Bëhet fjalë për shtetet dhe rajonet si vijojnë: Greqia, Republika Çeke, Ukraina dhe, në Itali, rajonet e Emilia Romagna, Toskana dhe Friuli / Venezia Giulia. Në Austri, nga lista janë hequr provincat e Carinthia, Vjenës, Austrisë së Poshtme dhe Burgenland.

Siopas zyrës federale nga 17 maji në listën e karantinës do të hyjnë këto shtete dhe rajone: rajoni italian i Bazilikatës, Kosta Rikës, Gjeorgjia, Irani, Kolumbia, Letonia, Maldivet dhe Mongolia.

Për udhëtarët nga këto vende zbatohen rregulla të rrepta pas mbërritjes në Zvicër. Ata duhet të tregojnë testin negativ të koronavirusit dhe të zbatojnë karantinën. Për më tepër, duhet të plotësohet një formular hyrje.

Zyra Federale ka zbatuar një arsyetim lidhur me situatën e dy javëve të fundit për vendet që e kanë incidencën 60 raste më shumë se Zvicra për 100 mijë banorë. Ato shtete që janë në këtë incidencë hiqen nga lista. Aktualisht Kosova e ka 127 raste për 100,000 banorë, një rënie prej 68% krahasuar me javën e mëparshme, ndërsa Zvicra ka rreth 140 raste në 100.000 banorë.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.