Media italiane “Corriere” i ka dedikaur një artikull shqiptarëve të Brescias, nën titullin “Brescia flet shqip”. Në këtë provincë jetojnë 29.200 shqiptarë me dokumente të rregullta, gjë e cila e bën komuntietin më të madh të huaj në Brescia.

Asnjëherë nuk është e lehtë të lësh atdheun por falë shoqatës Komuniteti Shqiptar në Itali, në Brescia është themeluar në vitin 2004 nga Ahmet Bendo integrimi lehtësohet disi dhe traditat e e vendit janë të gjalla dhe mbijetojnë edhe pse në distancë.

Kjo shoqatë ka një rol të veçantë që nga aktivitetit kulturore deri në rolin e saj shoqëror. “Jemi një shoqatë kulture dhe jo politike apo fetare. Kemi lindur për të krijuar një rrjet mes institucioneve dhe privatëve për të ndihmuar integrimin e qytetarëve shqiptarë ne shoqërinë italiane”, thotë Ahmet Bendo, themeluesi i kësaj shoqate.

Ai rrëfen se ndihmojnë familjet në nevojë dhe jo vetëm shqiptarë por edhe pakistaneze, indiane etj. Dhe pse mjaft solidarë dhe vullnetare, kultura mbetet synimi i tyre kryesor. Në 17 vite komuniteti shqiptar është impenjuar të realizuar festën e Pavarësisë e të Çlirimit dy festa të rëndësishme për popullin shqiptar. Një tjetër nismë e përpjekje e shoqatës është edhe shkolla “Mësonjëtorja” ku nxënësit mësojnë gjuhën mëmë. “Mësonjëtorja” e krijuar në vitin 2019 i përgjigjet kërkesës së fëmijëve të lindur e të rritur në Itali për të mësuar gjuhën shqipe.Ajo është një prioritet për shoqatën.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.