Ermal Meta do të jetë një version hologram në stacionet e Roma Termini, Milano dhe Napoli Centrale, ku çdo pesë minuta do të shfaqet në 3D për të kënduar këngën e ti të re, “Uno”, me pamjet e grupit.

“Unë jam njeri i skenës por meqënëse nuk mund të shkoj në koncerte në këto vende mendova të dërgoja kopjen time digjitale. Ajo përpara e më pas unë”, ka thënë vetë Ermali për Corriere.

Ai ka rrëfyer se i pëlqjenë ekstremet. “Në mes ka gjithmonë konfuzion. Unë kam jetur gjithmonë në ekstremin e gjithçkaje që ndiej: kur jam mirë, jam mirë; kur ndihem keq, ndihem në mënyrë të tmerrshme. Jam gjithmonë në udhëtime”, thotë ai.

Dikur këngët e protestës shoqëronin revolucionet, ndërsa sot të gjithë janë më individualistë, dhe vetë Ermali thotë për median italiane se sot nuk ka më këngë proteste sepse askush nuk proteston më. “Njerëzit nuk rebelohen pasi kanë ndalur së foli me njëri-tjetrin; shprehja e mendimeve të tyre është e ndryshme nga ndarja e tyre. Ndasia është fertile, bëhet diskutim, lë një farë që mund të mbijë dhe të kthehet në diçka tjetër. Duhet të ketë më shumë vetëdijësim se çfarë do të thotë të jetosh në shoqëri”, vijon ai.

Ermal Meta fitoi vendin e tretë në Sanremo dhe thotë që e dinte se do të shkonte kështu që në natën e parë të festivalit kur ishte në krye të klasifikimit të pjesshëm.Këngëtari me origjinë shqiptare i cili më 1 maj këndon sërish pa publik e ndjen deri në vdekje boshllëkun që lë mungesa e audiencës, pasi sipas tij kënga ka nevojë për të pasi reagimi i njerëzve ndryshon perceptimin e asaj që ti bën.

A është Ermali një idealist apo një i zhgënjyer? “Idealet më lëvizin gjithmonë, unë jam një ëndërrimtar dhe përpiqem gjithmonë. Por jam i zhgënjyer deri në atë masë sa që e di që idealet kanë nevojë për më shumë përpjekje dhe punë sesa vetë shpresa. Unë jam një idealist i zhgënjyer”, thotë ai.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.