Stilistja shqiptare Nensi Dojaka është pjesë e nëntë finalistëve për një çmim të shtëpisë prestigjioze të modës Louis Vuitton.

Kjo shtëpi mode e njohur dhe si Moet Hennessy Louis Vuitton që menaxhon edhe Christian Dior, Givenchy, Marc Jacobs, Celine, BUlgary, Tiffany & Co dhe Stella Mçartney.

Çmimi jepet për stilistët e rinj që kanë një “pasion për krijimtarinë”. Këtë vit Dojaka është përzgjedhur me tetë konkurrentë të tjerë nga Nju Jorku, Parisi, Londra, Kina, Kolumbia dhe Afrika e Jugut.

Lexo edhe- Një shqiptare për herë të parë e nominuar për çmimin e Louis Vuitton

“Kjo klasë prej nëntë finalistëve është një pamje e mrekullueshme e modës së sotme dhe të nesërme. Këta stilistë të rinj janë të gjithë të talentuar, sigurisht, por edhe të përkushtuar dhe realistë. Gjatë kësaj gjysmëfinale, secili prej tyre tregoi në mënyrën e vet një univers krijues shumë personal dhe të arritur,”, tha Delphine Arnault, nënkryetare ekzekutive e Louis Vuitton dhe themeluese e Çmimit LVMH, për Vogue.

Rezultatet pritet të shpallen në shtator, sipas ecurisë së pandemisë.

Dojaka u largua nga Tirana kur ishte 16 vjeç për të ndjekur shkollën në Londër. Veshjet e saj janë frymëzuar nga vitet ’90 dhe përfshijnë dizajne të tejdukshme, minimale, të thjeshta dhe që mund të kishin ardhur nga një revistë e modës e viteve ’90.

Emri i saj u bë i njohur ndërkombëtarisht pasi modelja Balla Hadid veshi disa nga dizenjot e saj në VMA në vitin 2020. Më pas ajo doli në Vogue.

Dojaka që atëherë u bë shumë e famshme në Shqipëri e bashkëkombësit e saj shfaqnin krenarinë që ajo po përfaqëson talentin shqiptar ndërkombëtarisht.

“Unë jam e lumtur t’i sjell një krenari të vogël vendit tim të vogël që ka shumë njerëz të talentuar dhe mendoj se ka nevojë për një shtytje dhe mbështetje”, ka thënë Dojaka.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.