Sfidat e gjuhës shqipe në Shën Petërsburg të Rusisë kanë qenë temë e një takimi të organizuar nga COD, (Center for Openess and Dialogue) me profesorë rusë të katedrës së gjuhës shqipe në Universitetin Shtetëor të Shën Petërsburgut.
Prof. Alexander Rusakov thotë se në këtë universitet është e vetmja degë e gjuhës shqipe në Rusi e cila ka nisur punën e saj 60 vite më parë.
“E vetmja degë e gjuhës shqipe në Rusi dhe në ish-bashkimin sovjetik dhe punon tani e 60 vjet pa ndërprerje dhe kjo është shumë e rëndësishme sepse dhe në kohën e ndërprerjes së marrëdhënive me shqipërinë dega jonë vazhdonte të punonte, unë fillova të mësoj gjuhën shqipe në vitin 74. Për ne kjo ishte një eksperiencë shumë e rëndësishme. Tani mund të them që dega e gjuhës shqipe punonte sipas drejtimeve që kishte dhënë gjuhëtari i njohur Nisicke që themeloi degën tonë. Nga fillimi dega jonë ishte drejtuar ndaj studimit shkencor të gjuhës shqipe e gjatë këtyre 60 viteve dega e gjuhës shqipe ka përgatitur shumë punonjës shkencor që vazhdojnë të punojnë në fushën e studimit të gjuhës shqipe, kulturës shqiptare etnografisë së popullit shqiptar. Dega jonë nuk është një institucion i ezauruar në qytetin tonë, ajo punon me bashkëpunimin e ngushtë me qendrën shkencore, me Institutin e Gjuhësisë së Akademisë së Rusisë dhe instituin e Etnografisë së Akademisë. Ne të gjithë punojmë dhe në degën e gjuhës shqipe si mësimdhënës dhe në institucione shkencore”, thotë ai.
Aktualisht në këtë degë të gjuhës shqipe në Shën Petërsburg studiojnë 11 studentë të ndarë në tre grupe. “Sot, ne kemi tani pranimin në këtë degë një herë në dy vjet. Kjo ështe një traditë që nisi në vitet ’60. Gjuhën shqipe e dëgjonnë dhe ata të gjuhësisë së përgjithshme si gjuhë e tretë. Sot ne kemi 11 studentë në tre grupe”, tha profesori.
Ndërsa docentja Maria Morozova tha se merren me kontaktet gjuhësore dhe studiojnë marrëdhënien e shqipes me gjuhë të tjera të Ballkanit. “Nëse studentët e mi kanë interes për shqipen jam e lumtur dhe gjithmonë temë që lidhet me studimin e kontakteve gjuhësore”, tha ajo mes të tjerash.
Në këtë takim morën pjesë Dr. Alexander Rusakov, profesor i Universitetit Shtetëror të Shën Petërsburgut, punonjësh shkencor i Institutit të Studimeve Gjuhësore, Akademia e Shkencave, në Rusi, Prof. asoc. dr. Alexander Novik docent, Universiteti Shtetëror i Shën Petërsburgut, Rusi, drejtor i Institutit të Studimeve Gjuhësore, Akademia e Shkencave, Rusi dhe Maria Morozova docente, Universiteti Shtetëror i Shën Petërsburgut,punonjëse shkencore, Instituti i Studimeve Gjuhësore, Akademia e Shkencave ruse.
Të pranishëm në këtë takim ishin edhe prof. as. dr. Suela Kastrati, Lektore e Departamentit të Gjuhës Shqipe në Universitetin “Aleksandër Moisiu”, në Durrës, Fatbardha Hoxha (Lektore pranë Fakultetit të Edukimin në Universitetin “Isa Boletini” të Mitrovicës) si dhe studentë nga Rusia, Shqipëria, Kosova e Mali i Zi.
Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.
