Duke nisur nga e enjtja Turqia po i nënshtrohet një izolimi të ri të plotë për të ndalur valën e koronavirusit që po përhapet.

Ndalimqarkullimi do të zbatohet nga ora 7 e mbrëmjes deri në datën 17 maj, përgjatë pjesës së mbetur të muajit të Ramazanit.

Të gjitha shkollat dhe llojet e bizneseve do të qëndrojnë mbyllur, përveç markatave ose qendrave shëndetësore,  supermarketet do të pezullojnë punën të dielave, bar-restorantet do të operojnë me dërgesa dhe do të duhet leje e posaçme për udhëtimet ndërqytetëse.

Turqia po raporton rreth 60 mijë raste ditore të prekurish nga Covid-19, dhe shpresohet që numri të zbresë në 10 mijë pas dy javësh.

Në spitale po trajtohen gjithnjë e më shumë personave të moshave 40 deri 65 vjeç.

Infeksioni po përhapet megjithëse 20 për qind e popullsisë janë imunizuar kundër kovidit, duke përdorur kryesisht vaksinat kineze nga “Sinovac” dhe pjesërisht “Pfizer”-in.

Ministria e Shëndetësisë njofton se ka ngritur ekipe për të bindur qytetarët të vaksinohen.

Mbi 39 mijë persona nuk i kanë mbijetuar dot sëmundjes që ka infektuar më shumë se 47 milionë të tjerë në Turqi.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.