Në Shqipëri vijon procesi i numërimit të votave të 25 prillit, ku shqiptarët votuan për zgjedhjet parlamentare.
Aktualisht, deri në mesditë janë numëruar 1894 kuti votimi, teksa procesi vijon për 5199 kuti në total në të gjithë vendin.
Komisioni Qendror i Zgjedhjeve ka bërë përditësimin më të fundit të të dhënave. Në total janë numëruar 1894 kuti nga 5199 në total dhe rezultati vijon si më poshtë:
Partia Socialiste 49.36% të votave ose 264,098.
Partia Demokratike 38.83% ose 207,797 vota.
LSI 7.16% ose 38,317 vota në rang vendi.
Sot, KQZ shpalli edhe rezultatin e parë të zgjedhjeve nga njësia 10, ku u aplikua votimi dhe numërimi elektronik. Në këtë njësi PS doli fituese me 6007 vota, ndjekur nga PD me 4550 dhe më pas LSI me 628, ndërsa PSD ka marrë 208 vota.
Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.
