Organizata Kombëtare Shqiptaro-Amerikane njofton se për shkak të kufizimeve nga COVID-19, ka vendosur të anulojë për të dytin vit radhazi Konventën 2021, e cila ishte planifikuar të zhvillohej në Filadelfia, më 6, 7 dhe 8 gusht 2021.

Në një njoftim zyrtar Organizata njofton se ky ishte një vendim i vështirë për t’u marrë, pasi ky është viti i dytë radhazi që, për shkak të COVID19.

“Ne kemi anuluar Konventën 2021. Duke parë situatën pandemike mendojmë se anulimi i Konventës Vjetore 2021 ishte veprimi i duhur për të ndërmarrë. Ndërsa vaksinimet e popullsisë amerikane po rriten me një ritëm të shpejtë dhe situata fillon të përmirësohet, ne kemi shumë shpresë se do të vazhdojmë këtë traditë të mbajtur prej kohësh dhe kemi filluar planifikimin për Konventën Vjetore për vitin 2022. Deri në fund të qershorit 2021, ne do të vendosim për qytetin dhe datat e Konventës 2022 dhe do të postojmë informacionin në faqen tonë të internetit www.aano.org.

Gjithsesi ne do të vazhdojmë të sigurojmë ndihmë financiare për një numër studentësh në kolegj dhe universitarë shqiptaro-amerikanë, përmes Programit tonë të Çmimeve të Bursave.”

Organizata Kombëtare Shqiptaro-Amerikan u krijua 75 vjet më parë.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.