Shoqata e Eksekencës Shqiptaro- Kanadeze (Albanian- Canadian Excellence Society – ACE Society) që vepron prej disa vitesh në Toronto të Kanadasë, organizoi një diskutim online me temën “Gratë në Lidership”. Projekti u realizua në kuadër të programit të mentorshipit (Mentorship Program), ndërsa seanca e panelit mblodhi së bashku udhëheqëse të theksuara shqiptaro-kanadeze nga industri të ndryshme, të cilat treguan dhe diskutuan në detaje sfidat e rrugëtimeve të tyre në karrierë. Të gjitha panelistet pa përjashtim vunë theksin tek vështirësitë me të cilat përballen ato në pozicionet drejtuese në fushat e tyre përkatëse. Panelistet, Sonila Salillari, Ksenja Thellimi, Editte Malile dhe Floriana Cici ndanë historitë e tyre dhe ofruan rrëfime suksesi mbi atë që duhet për të qenë një udhëheqëse femër në botën e sotme. Ato ndanë njohuritë që kanë fituar gjatë rrugëtimit të tyre, dhe në veçanti, sukseset dhe vështirësitë me të cilat përballen gratë në pozicionet drejtuese. Studimet gjithashtu kanë treguar se jeta e grave ka qenë më e komplikuar për shkak të koronavirusit. Ato (gratë) preken në mënyrë disproporcionale nga implikimet e tyre shoqërore.
Panelistet diskutuan për rolet e tyre në udhëheqje, por edhe që gjatë këtij vitit të fundit gjithashtu po përballen me sfida të veçanta. Ato gjithmonë kanë arritur një sasi të jashtëzakonshme të punës së padukshme, pavarësisht nëse është kujdesi për fëmijët e tyre, partnerët, prindërit e moshuar, miqtë apo ruajtja e stabilitetit të familjes së tyre. Ndërsa gratë mbajnë më shumë role ekzekutive tani se kurrë më parë, pritja se ato duhet të jenë në gjendje t’i “përballojnë të gjitha” mbetet po ajo. Gratë tani pritet të jenë prindër me kohë të plotë, kujdestare, mësuese të shkollës në shtëpi dhe shtëpiake, të gjitha këto ndërsa shkëlqejnë në punët e tyre me kohë të plotë (full-time).
Seminari u moderua nga Alba Nanushi, anëtare e bordit të ACE-së, dhe diskutimi u mundësua nga Esmeralda Bukuroshi një vullnetare për shumë vite me programin e mentorimit të ACE-së. Ngjarja, e sponsorizuar nga “Alexa Translations”, synoi t’u siguronte të pranishmëve këshilla personale mbi kapërcimin e pengesave rreth sfidave gjinore për gratë, veçanërisht kur përpiqen të shkojnë në pozicione drejtuese, si dhe këshilla personale për përparimin e aspiratave të karrierës. Mbi të gjitha, seminari shërbeu si një mundësi e shkëlqyer për të mësuar dhe rrjetëzuar për njerëzit me të njëjtin mendim dhe ofroi një bisedë dinamike me gratë udhëheqëse të dalluara nga prejardhje të ndryshme.
Po kush janë, dhe çfarë bëjnë panelistet e kësaj ngjarjeje?
Sonila Salillari (Alliance Director- CBRE) foli për rolin e saj si lidere në specializimin e pasurisë së patundshme, duke theksuar rëndësinë e menaxhimit të kësaj pasurie. Sonila vetë ka një histori të dëshmuar të ofrimit të ndihmës në organizata të ndryshme në zhvillimin e kërkesave strategjike të shpërndarjes për njësitë e tyre të ndryshme të biznesit. Ajo ka përvojë në zbatimin e transformimit, ndërtimin e organizatës së duhur me grupet e duhura të aftësive dhe zhvillimin e strategjive të mbajtjes.
Ksenja Thellimi (Division Director- PlanIT Search) është përgjegjëse për menaxhimin e të gjitha marrëdhënieve me klientët, automjetet me kontratë, menaxhimin e propozimeve, shpërndarjen e projekteve dhe iniciativat e personelit të IT-së për klientë të shumtë në sektorin publik. Arritjet e saj u vlerësuan kohët e fundit nga “TopRecruiter” duke u radhitur lartë në listën e rekrutuesëve të kompanisë.
Editte Malile (Director of Client Engagement- RPIA) është e njohur si një udhëheqëse e suksesshme duke mbajtur pozicione të nivelit të lartë në kompani të ndryshme të menaxhimit të fondeve. Në rolin e saj aktual si Drejtore e Angazhimit të Klientëve, Editte krenohet me ndërtimin e ekipeve të klasit botëror dhe sigurimin e një përvoje të pashembullt për të gjithë klientët e RPIA-së.
Floriana Cici (Head of Reconciliation Governance and Control- RBC Capital Markets) aktualisht është nënkryetare dhe shefe e operacioneve, dhe ka mbajtur disa role progresive në industrinë financiare me përvojë në kredi, operacione, qeverisje dhe kontrolle për dy banka të mëdha kanadeze. Përveç arritjeve të saj mbresëlënëse profesionale, Floriana është gjithashtu një udhëheqëse frymëzuese dhe transformuese që i fuqizon të tjerët ta elaborojnë idenë e tyre dhe nxit risi të vazhdueshme.
Në përgjithësi, qëllimi i panelit nuk ishte vetëm pozicioni i secilës paneliste, sa shpejt arritën atje, të gjitha ato goditën pengesa të ndryshme gjatë rrugës – disa të vendosura nga të tjerët, disa të tjera të vendosura vetë. Qëllimi kryesor ishte që gratë e reja (studentet dhe profesionistet e reja) të mësojnë nga përvojat dhe sukseset e tyre. Historitë e tyre i ndihmojnë të tjerët të lidhen me to, pra ta shohin veten në këpucët e tyre.
Anëtarët e kontaktuar të bordit të ACE-së janë mirënjohës për të gjithë të pranishmit në këtë ngjarje dhe janë të ngazëllyer që do të vazhdojnë të ofrojnë më shumë ngjarje të mentorimit dhe rrjetëzimit në të ardhmen e afërt.
Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.
