Ismet Bolykemini, piktori shqiptar, i cili jeton në Turqi, në një intervistë rrëfen për jetën, veprimtarinë dhe karrierën e tij atje. Ai tregon edhe për ekspozitën “Vushtria ime” dhe promovimin e librit “Monumentet e Trashëgimisë Kulturore të Vushtrisë”. Ismeti ka përfunduar studimet për pikturë në Akademinë e Arteve në Turqi.

“Vendlindja nuk harrohet kurrë dhe gjithmonë jam bashkë me vendlindjen time dhe veprat e mia i krijoi gjithmonë duke pasur në mendje vendlindjen time, sepse e dua shumë. Prej 35 vitesh jetoi në Turqi, shkova përkohësisht, por mbeta atje. Me shpirt jam gjithmonë në Kosovë”, shprehet Bolykemini për RTV21.

“Vushtria është ndër qytetet më të vjetra në Kosovë dhe aty gjenden shumë monumente të vjetra dhe të rëndësishme. Rinia ime ka kaluar në Vushtri dhe nuk harrohet dhe nëpërmjet punimeve të mia dua tí trashëgoj rinisë shqiptare historinë. Urën e Gurës e kam pasur shumë pranë shpisë dhe kam kaluar fëmijërinë time aty, kalaja po ashtu dhe sigurisht çdo detaj më ka mbetur në mendje dhe kur nis të vizatojë, kujtimet e mia shfaqen si një video dhe për mua është shumë e lehtë të pikturoj”, tregon artisti Bolykemini.

“Kam kryer një Akademi Arti në Stamboll shumë të rëndësishme dhe kam mësuar shumë teknika të mira, dhe pjesa më e madhe e punimeve që prezantohen ditën e sotme janë me teknika të ndryshme. Janë 20 piktura që prezantohen sot më 21 prill”, thekson Ismet Bolykemini, i cili thekson nevojën për ruajtjen e monumenteve kulturore dhe historike të Vushtrisë.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.