Epidemiologu Skënder Murtezani ditën e sotme ishte i ftuar në një lidhje Skype në emisionin “ABC e Mëngjesit” ku foli për çështjen e rasteve të mpiksjes së gjakut nga vaksina Johnson & Johnson. Gjithashtu Murtezani theksoi se shumë shpejt në Shqipëri do të mbërrijë Testi i imunitetit ndaj COVID, i cili tregon nëse një person që e ka kaluar virusin, ka nevojë apo jo të vaksinohet.

Agjencia Europiane e Barnave të martën tha se vaksina “Johnson & Johnson Covid”, ka lidhje të mundshme me rastet e rralla të mpiksjes së gjakut, por përsëriti se përfitimet e saj ende tejkalojnë rreziqet.

Ai tha se ky efekt është më i pranishëm te femrat se te meshkujt.

“Tromboza hyn në grupin e sëmundjeve kardiovaskulare dhe ky efekt është më i pranishëm te femrat, por edhe te meshkujt. Agnovirusi është vektori i përbashkët që mund ta përcjellë këtë. Por është aq e rrallë sa që në Amerikë u pranua dhe dje edhe shtete të Europës e pranuan. Është bërë një dallim i vaksinimit, prandaj nuk besoj të ndalohet. Unë femrat i ndaloj të përdorin kontranceptiv gjatë kësaj kohe, si edhe duhanin për femrat shtatzënë gjatë kësaj kohe të marrjes së “Johnson & Johnson”. Duhet të ndalohet heparina (holluesi i gjakut) po ashtu edhe gjatë vaksinimit me AstraZeneca”.

Ndër të tjera, mjeku ka folur edhe për testin e pranimit të imunitetit ndaj COVID-19, duke theksuar se pritet që shumë shpejt të vijë në Shqipëri.

“Është një procedurë ndaj qelizave të bardha dhe mund të bëjë përshkrimin e imunitetit. Ky imunitetit tregon që personi e ka kaluar COVID dhe nëse po a duhet ta bëjë ky person vaksinën. Kjo është e mjaftueshme për ta anuluar dhe për të krijuar një vaksinë të re që atyre i duhet. Unë mendoj që ky test nuk do të jetë aq i shtrenjtë do të përhapet nëpër botë dhe në Shqipëri do të arrijë shumë shpejt, është çështje ditësh”.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.