Komiteti Teknik i Ekspertëve ka dalë sot në një konferencë lidhur me situatën me koronavirusin në vendin tonë.

Drejtorja e ISHP-së, Albana Fico, tha se situata është përmirësuar, ku ka një rënie të madhe të mesatares ditore të rasteve pozitive me Covid-19. Mes të tjerash, Fico theksoi se përveç Tiranës, është vënë re një numër i lartë rastesh pozitive edhe në tre qarqe të tjera, si Gjirokastra, Berati dhe Korça.

Por ndryshe nga Shqipëria u vu në dukje se në rajon situata paraqitet ndryshe, fqinjët tanë në Maqedoninë e Veriut dhe në Greqi janë shtuar numrat e rasteve të reja ditore dhe jetëve të humbura.

Zv. ministrja e Shëndetësisë, Mira Rakacolli, theksoi se të gjithë personat që vijnë nga Maqedonia e Veriut dhe Greqia do të qendrojnë në karantinë dy javore dhe kjo masë do të jetë në fuqi deri më 3 maj: “Sfida e komitetit tonë në këtë moment është pikërisht përmirësimi i indikatorëve duke parashikuar faktorët që mund të ndikojnë në rritjen e tyre dhe të propozojmë masat në vijim. Mosrespektimi në tubimet elektorale mund të jetë faktor që ndikon në rritjen e numrave. Po ashtu afrimi i ditës së Pashkëve është shoqëruar me lëvizje të qytetarëve nga vendet fqinje. Duke pasur parasysh dhe situatën tonë lokale, ku vendin e parë sicc e tha dhe profesoresh Fico e zë Gjirokastra dhe Korca, mendojmë që duke nisur nga dita e nesërme të vendoset qëndrimi në karantinë 2 javore për personat që vijnë nga Maqedonia e Veriut dhe Greqia deri më 3 maj dhe do ta rivlerësojmë në varësi të dinamikës së situatës.”

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.