Sot shënohet 490-vjetori i ndarjes nga jeta të humanistit, filozofit dhe historianit Leonik Tomeu (1456–1531).

Lindi në Venedik, në një familje të mërguar nga Durrësi. Në veprat e tij e përmend me krenari prejardhjen e vet shqiptare. Studimet i kreu në Francë, në shkollën “aristoteliane”. Në vitet 1504–1531 ishte një ndër intelektualët më të njohur në Venedik dhe më pas u bë një nga drejtuesit e shoqërisë “Shkolla e Shqiptarëve”, qendër e kulturës shqiptare në mërgim. Më 1497, ai u emërua profesor dhe titullar i katedrës së filozofisë në Universitetin e Padovës, ku pati si student të tij edhe astronomin Nikolla Koperniku.

Njohës i thellë i gjuhëve e i letërsive klasike dhe i mendimit përparimtar të lashtësisë, në mësimet e punimet e tij (“Dhjetë dialogët”, “Aristoteli, histori e jetës dhe e veprave”, “Histori të ndryshme”). Tomeu vinte gjithnjë në dukje pikëpamjet filozofike të Aristotelit, që binin ndesh me paragjykimet teologjike të Mesjetës. Veprat e tij u dogjën nga inkuizicioni.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.