Gentian Selmani ka zhvilluar një ndeshje të çmendur ditën e sotme, në fitoren minimale të Bolusporit në Ligën e Parë në Turqi, ndaj skuadrës së Altaj.

Selmani është zgjedhur lojtari i ndeshjes me meritë, teksa arriti të priste plot 8 gjuajtje të kundërshtarëve, ku 2 prej tyre ishin ndërhyrje vendimtare. Portieri shqiptar ishte i pakalueshëm në ndeshjen e sotme, teksa arriti të shmangë pësimin e golit, pavarësisht dominimit absolut të skuadrës së Altaj.

Nëse i hedhim një sy statistikave të ndeshjes, shohim një dominim absolut të vendasve, me 21 gjuajtje në total, kundrejt 4 të Bolusporit, dhe përqindja e topin 76% kundrejt 24%. Golin e fitores për Bolusporin e shënoi Gymyshkaja në minutën e 34’ me penallti.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.