Për 31-vjeçarin Kosovare Asllanin data 18 korrik 2019 do të jetë një datë historike. Ka qenë një ëndërr e fëmijërisë që për të tashmë është bërë realitet.

Ditën kur u prezantua në Real Madrid, ishte si “galaktika” e parë e klubit të madh spanjoll, si pionere e projektit të saponisur në kryeqytetin spanjoll.

Por a ka qenë siç e ka pritur të jetë lojtare e Real Madridit?

Duke folur për median suedeze Kosovare mendohet pak para se të përgjigjet: “Mendoj se i kemi të gjitha parakushtet për tu bërë një ekip i madh në Europë. Për pjesën time, natyrisht që ka qenë e rëndësishme të jem pionere dhe të drejtoj që nga fillimi. Ka qenë shumë frymëzuese”.

Kosovarja thotë se futbolli është numri një në Spanjë dhe futbolli i femrave është në rritje gjatë gjithë kohës. “Përsa i përket fansave, vështirë se mund të krahasosh me askund tjetër. Ka pasur një interes të madh rreth klubeve të mëdha, qoftë burrat dhe gratë. Pozitiv është fakti se kemi pasur më shumë vëmendje nga sa mund të prisnim në fillim.

Ajo thotë se janë në vitin e parë si Real Madrid por tashmë janë në krye.

Për Kosovaren e rëndësishme është një vend në Champions League. “Për pjesën tonë, fokusi është shumë i qartë. Si një klub për të marrë një vend CL. Këtu është fokusi. Vendi në Champions League është tepër i rëndësishëm”, ka thënë ajo.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.