Personat nga 26 vende, përfshi dhe Shqipërinë dhe Kosovën prej ditës së sotme (6 prill) do të duhet të bëjnë karantinën e detyrueshme nëse do të shkojnë në Irlandë.

Tashmë ky shtet nuk njeh as testet që po kryhen në Kosovë dhe qytetarët e të dy shteteve duhet të përgatiten për vetëizolim.

Periudha e karantinës do të jetë 12 ditë dhe janë vendosur katër hotele ku do të qëndrojnë para se të shkojnë në destinacionin e tyre. Periudha e karantinës mund të zvogëlohet në rast se një pasagjer ka rezultat negativ kur testohet për COVID-19 pas dhjetë ditësh.

Kostoja për një të rritur për 12 net është 1875 euro, 625 euro për një person të dytë mbi moshën 12 vjeç që ndan dhomën dhe 36 euro për fëmijët e moshës nga 4 në 12 vjeç.

Periudha e karantinës zgjatet nëse një pasagjer rezulton pozitiv gjatë qëndrimit të tij, por do të jetë shteti që do të paguajë për çdo zgjatje përtej 12 ditësh.

Një javë më parë ministri i Shëndetësisë Stephen Donnelly kërkoi të përfshihen në “listën e zezë” të vendeve dhe SHBA-të, Francën dhe Italinë si dhe vende të tjera të BE-së por pati kundërshtimin e ministrave të qeverisë.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.